ཚོགས་ཆེན་གཉིས་ཀྱི་ཆེད་དོན་ལེ་ཚན། པདྨ་རྫོང་མི་དམངས་སྲིད་གཞུང་།  
ཤོག་ངོས་དང་པོ། :> སྲིད་དོན་ཆ་འཕྲིན། > རྒྱལ་སྤྱི།
མནའ་མཐུན་མི་འཛུགས་པའི་ལས་འགུལ་གྱི་སྐབས་བཅོ་བརྒྱད་པའི་མཐོ་རིམ་གྲོས་ཚོགས་ནས་མཉམ་དུ་ཕྱོགས་མང་རིང་ལུགས་ལ་ཡར་སྐུལ་གཏོང་དགོས་པའི་འབོད་སྐུལ་བཏང་།
འབྱུང་ཁུངས།:མཚོ་སྔོན་བོད་སྐད་རླུང་འཕྲིན་དྲ་བ། 2019/10/27

 

       ཚོགས་ཡུན་ཉིན་གཉིས་ཡིན་པའི་མནའ་མཐུན་མི་འཛུགས་པའི་ལས་འགུལ་གྱི་སྐབས་བཅོ་བརྒྱད་པའི་མཐོ་རིམ་གྲོས་ཚོགས་ཚེས་ཉེར་དྲུག་ཉིན་ཨ་སེ་པེད་ཅང་གི་
རྒྱལ་ས་པཱ་ཁུའུ་ནས་གྲོལ།  མཐོ་རིམ་གྲོས་ཚོགས་ནས་མནའ་མཐུན་མི་འཛུགས་པའི་ལས་འགུལ་གྱི་མ་འོངས་འཕེལ་རྒྱས་ལ་མཛུབ་སྟོན་བྱེད་པའི་པཱ་ཁུའུ་བསྒྲགས་གཏམ་ལ་
གྲོས་འཆམ་བྱུང་ཞིང་།  སྔར་ལས་ལྷག་པའི་སྒོ་ནས་རྩ་འཛུགས་དེའི་གསོན་ཤུགས་དང་བྱེད་ནུས་ཇེ་དྲག་ཏུ་གཏོང་བ་དང་།  ཕྱོགས་མང་རིང་ལུགས་ལ་ཡར་སྐུལ་བཏང་སྟེ།
ས་ཁུལ་གྱི་ཞི་བདེ་དང་འཕེལ་རྒྱས་ལ་སྐུལ་འདེད་གཏོང་དགོས་པ་ནན་བཤད་བྱས།
       
མཐོ་རིམ་གྲོས་ཚོགས་ཀྱི་གྲུབ་འབྲས་གཙོ་བོ་ཡིན་པའི་ཆ་ནས། པཱ་ཁུའུ་བསྒྲགས་གཏམ་གྱི་ནང་དོན་ལ་ཁོངས་གཏོགས་རྒྱལ་ཁབ་སོ་སོས་མུ་མཐུད་དུ་མནའ་མཐུན་
མི་འཛུགས་པའི་ལས་འགུལ་གྱི་བྱེད་ཕྱོགས་རྒྱུན་འཁྱོངས་བྱེད་པ་དང་།  ཧུར་ཐག་སྒོས་མིག་སྔའི་འཛམ་གླིང་གི་ཆབ་སྲིད་གནས་བབ་གསར་བའི་དངོས་ཡོད་དང་འཚམ་པར་
བྱས་ཏེ། མནའ་མཐུན་མི་འཛུགས་པའི་ལས་འགུལ་གྱི་གསོན་ཤུགས་ཇེ་དྲག་ཏུ་གཏོང་བ་སོགས་འདུས། ཁོངས་གཏོགས་རྒྱལ་ཁབ་སོ་སོས་མཐུན་སྒྲིལ་གཅིག་གྱུར་སྒོས་འཕེལ་
རྒྱས་སུ་འགྲོ་བཞིན་པའི་རྒྱལ་ཁབ་ཀྱི་ཁེ་ཕན་ལ་སྲུང་སྐྱོབ་བྱས་ཏེ། དྲང་བདེན་དང་བཟོད་སྒོམ།  མངོན་གསལ། ནུས་ལྡན་བཅས་ཀྱི་འཛམ་གླིང་ཡོངས་ཀྱི་བཅོས་སྐྱོང་མ་ལག་
ཅིག་འཛུགས་པར་བརྩོན་པའི་ཆོད་སེམས་བསྟན།
      
བསྒྲགས་གཏམ་ལས་ནན་གྱིས་བསྟན་དོན།  ཁོངས་གཏོགས་རྒྱལ་ཁབ་སོ་སོས་མཉམ་འབྲེལ་རྒྱལ་ཚོགས་སྲོག་ཤིང་དུ་གྱུར་བའི་ཕྱོགས་མང་མ་ལག་ལ་རྒྱབ་སྐྱོར་བྱས་
ཤིང་། རྒྱལ་ཁབ་སོ་སོའི་མངའ་ཁོངས་ཆ་ཚང་ཡོང་བ་དང་བདག་དབང་འདྲ་མཉམ་ཡིན་པ། ཆབ་སྲིད་སྒེར་ཚུགས་ཡིན་པ།  ཕན་ཚུན་གྱི་ནང་སྲིད་ལ་ཐེ་གཏོགས་མི་བྱེད་པ་
སོགས་ཀྱི་རྩ་དོན་ལ་བརྩི་འཇོག་བྱ་དགོས་ཟེར། བསྒྲགས་གཏམ་ལས་ད་རུང་བསྟན་དོན།  ཁོངས་གཏོགས་རྒྱལ་ཁབ་སོ་སོས་འབད་བརྩོན་ལྷོད་མེད་བྱས་ཏེ་མཉམ་དུ་རྣམ་པ་
གང་རུང་གི་འཇིགས་སྐུལ་རིང་ལུགས་ལ་ཆམ་ཕབ་གཏོང་དགོས་ཟེར།
      
སྐབས་འདིའི་མཐོ་རིམ་གྲོས་ཚོགས་སྟེང་།  རྒྱལ་ཁབ་མི་ཉུང་བ་ཞིག་གི་འཐུས་མིས་གཏམ་བཤད་སྤེལ་ཏེ་ཕྱོགས་གཅིག་རིང་ལུགས་དང་རྒྱལ་ཁབ་གཞན་པའི་ནང་
སྲིད་ལ་ཐེ་གཏོགས་བྱེད་པའི་བྱ་སྤྱོད་ལ་ངོ་རྒོལ་བྱས་པ་དང་།  རྒྱལ་སྤྱིའི་སྤྱི་ཚོགས་ཀྱིས་སེམས་ཤུགས་གཅིག་སྒྲིལ་བྱས་ཏེ་མཉམ་དུ་འཐབ་འཁྲུག་ལ་ངོ་རྒོལ་བྱ་དགོས་པར་མ་
ཟད། ས་ཁུལ་གྱི་ཞི་བདེ་དང་གཏན་འཇགས་ལ་སྲུང་སྐྱོབ་བྱ་དགོས་པའི་འབོད་སྐུལ་བཏང་།
      
དབྱི་ལིང་གི་ཙུང་ཐུང་ལུའུ་ཧཱ་ནེ་ཡིས་མཐོ་རིམ་གྲོས་ཚོགས་སྟེང་རྒྱལ་སྤྱིའི་སྤྱི་ཚོགས་ཀྱིས་རྒྱལ་ཁབ་གཞན་པའི་ནང་སྲིད་ལ་ཐེ་གཏོགས་མི་བྱེད་པའི་རྩ་དོན་བརྩི་སྲུང་
བྱ་དགོས་པའི་འབོད་སྐུལ་བཏང་།   ཁོས་ཨ་མེ་རི་ཁའི་ཕྱོགས་གཅིག་རིང་ལུགས་ཀྱི་སྲིད་ཇུས་ཀྱིས་ས་ཁུལ་གྱི་འཁྲུག་རྩོད་ཛ་དྲག་ཏུ་བཏང་ནས་འཐབ་འཁྲུག་བསླངས་པར་
སྐྱོན་འཛུགས་བྱས།
      
དབྱི་རག་གི་ཕྱི་འབྲེལ་བློན་ཆེན་ཧཱ་ཅི་མུའུ་ཡིས་གཏམ་བཤད་སྤེལ་སྐབས་བསྟན་དོན། རྒྱལ་སྤྱིའི་ཞི་བདེ་དེ་སྔར་བཞིན་འགྲན་རྩོད་གལ་ཆེན་ལ་འཕྲད་ཡོད་པ་དང་།
ས་ཁུལ་གྱི་འཁྲུག་རྩོད་ལས་འཐབ་འཁྲུག་འབྱུང་བའི་ཉེན་ཁ་ཡོད་སྟབས། ངེས་པར་རྒྱལ་ཁབ་གཞན་པའི་ནང་སྲིད་ལ་ཐེ་གཏོགས་བྱེད་པའི་བྱ་སྤྱོད་ལ་བཀག་འགོག་བྱ་དགོས་
པ་དང་། རྒྱལ་ཁབ་གཞན་པའི་དམག་དོན་བཙན་བཟུང་ལ་རྒོལ་གཏམ་གཏོང་དགོས་ཟེར།



 
 
· ལིག་ཀྲིན་དབུས། 2018/5/11
· རྒྱལ་འབུམ་འཁྲུངས། 2018/5/11
· ལྷ་ཆེན་ཚེ་རིང་། 2018/5/11
· ཀརྨ་སྐྱིད། 2018/5/11
· ལུའོ་ཧུང་ལིན། 2018/5/11
· ལི་ཧྥུའུ་ཉེན། 2018/5/11
· པདྨ་རྫོང་གིས2019ལོའི་དབུལ་ཐར་འ 2019/11/11

2008-2012 པདྨ་རྫོང་མི་དམངས་སྲིད་གཞུང་། All Rights Reserved
09758322651 མགོ་ལོག པདྨ  ཆ་འཕྲིན་རབ་གསལ། :814100
པདྨ་རྫོང་མི་དམངས་སྲིད་གཞུང་།