ཚོགས་ཆེན་གཉིས་ཀྱི་ཆེད་དོན་ལེ་ཚན། པདྨ་རྫོང་མི་དམངས་སྲིད་གཞུང་།  
ཤོག་ངོས་དང་པོ། :> སྲིད་དོན་ཆ་འཕྲིན། > རྒྱལ་ནང།
ལིས་ཁི་ཆང་གིས་དབང་བོ་སྐྱོན་ཅན་གྱི་ལས་རིགས་རྩལ་ནུས་ཇེ་ཆེར་བཏང་སྟེ་དབང་བོ་སྐྱོན་ཅན་གྱི་ལས་ཞུགས་ལས་སྤེལ་བྱ་བར་སྐུལ་འདེད་གཏོང་བའི་ཐད་ལ་མཆན་བཀོད་མཛུབ་སྟོན་གལ་ཆེན་གནང་།
འབྱུང་ཁུངས།:མཚོ་སྔོན་བོད་སྐད་རླུང་འཕྲིན་དྲ་བ། 2019/10/28

 

       ཟླ་བཅུ་བའི་ཚེས་ཉེར་བདུན་ཉིན། རྒྱལ་ཡོངས་དབང་བོ་སྐྱོན་ཅན་གྱི་ལས་རིགས་རྩལ་ནུས་འགྲན་བསྡུར་སྐབས་དྲུག་པ་དང་རྒྱལ་ཡོངས་དབང་བོ་སྐྱོན་ཅན་གྱི་རྩལ་
ནུས་ངོམ་པའི་དུས་ཆེན་སྐབས་གསུམ་པ་ཀྲེ་ཅང་ཅ་ཞིན་ནས་ཚོགས་འགོ་བརྩམས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་
ལི་ལིས་ཁི་ཆང་གིས་ཉེ་ལམ་དབང་བོ་སྐྱོན་ཅན་གྱི་ལས་རིགས་རྩལ་ནུས་ཇེ་ཆེར་བཏང་སྟེ་དབང་བོ་སྐྱོན་ཅན་གྱི་ལས་ཞུགས་ལས་སྤེལ་བྱ་བར་སྐུལ་འདེད་གཏོང་བའི་ཐད་ལ་
མཆན་བཀོད་མཛུབ་སྟོན་གལ་ཆེན་གནང་།  མཆན་བཀོད་མཛུབ་སྟོན་ལས་བསྟན་དོན།   རྒྱ་ཆེའི་དབང་བོ་སྐྱོན་ཅན་གྱིས་ཞུམ་པ་མེད་པར་རང་ཉིད་ཀྱི་བརྩོན་འགྲུས་ལ་
བརྟེན་ནས་བདེ་སྐྱིད་ཀྱི་འཚོ་བ་དང་སྤྱི་ཚོགས་ཀྱི་རྒྱུ་ནོར་གསར་སྐྲུན་བྱས་པར་ཀུན་གྱི་དོ་སྣང་ཆེན་པོ་ཐོབ། ཐེངས་འདིའི་རྒྱལ་ཡོངས་དབང་བོ་སྐྱོན་ཅན་གྱི་ལས་རིགས་རྩལ་
ནུས་འགྲན་བསྡུར་དང་དབང་བོ་སྐྱོན་ཅན་གྱི་རྩལ་ནུས་ངོམ་པའི་དུས་ཆེན་བསྒྲུབས་པ་དེ་ལས་དབང་བོ་སྐྱོན་ཅན་གྱི་འབད་འཐབ་རྣམ་པ་ཡང་བསྐྱར་ངོམ་པར་བྱེད་ངེས་ཡིན།
ས་གནས་སོ་སོ་དང་འབྲེལ་ཡོད་ལས་ཁུངས་ཀྱིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་འཛིན་པ་དང་།
ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་འཐབ་ཇུས་བཀོད་སྒྲིག་ནན་ཏན་སྒོས་ལག་བསྟར་བྱས་ཏེ། རྒྱུན་མཐུད་ལྷོད་མེད་སྒོས་དབང་བོ་སྐྱོན་ཅན་གྱི་ལས་རིགས་རྩལ་ནུས་
མཐོར་འདེགས་སུ་གཏོང་བ་དང་ལས་ཞུགས་ལས་སྤེལ་ལ་སྐུལ་འདེད་གཏོང་བའི་བྱ་བ་བཟང་བོར་བསྒྲུབ་དགོས། དབང་བོ་སྐྱོན་ཅན་གྱི་ལས་ཞུགས་ཁྲིམས་སྲོལ་སྲིད་ཇུས་ཁྱོན་
ཡོངས་ནས་དངོས་འབེབས་བྱེད་པ་དང་། དབང་བོ་སྐྱོན་ཅན་གྱི་དོན་དངོས་གསར་སྐྲུན་རྣམ་པ་དང་ཕུན་སུམ་ཚོགས་པའི་ནང་དོན་ལ་དམིགས་ཏེ། ལས་རིགས་སློབ་གསོ་དང་
ལས་རིགས་གསོ་སྦྱོང་ལ་ཤུགས་སྣོན་ཞིང་ལས་ཞུགས་ལས་སྤེལ་གྱི་མཛུབ་སྟོན་རོགས་སྐྱོར་བྱ་བཟང་བོར་བསྒྲུབ་པ་དང་།   དབང་བོ་སྐྱོན་ཅན་གྱིས་ལས་ཞུགས་ལས་སྤེལ་བྱེད་
པའི་གེག་དང་བར་ཆད་ཡོངས་སུ་སེལ་དགོས་ལ། ཞིང་སྡེའི་དཀའ་ཁག་ཆེ་བའི་དབང་བོ་སྐྱོན་ཅན་གྱི་གནད་ཕིགས་དབུལ་ཐར་ལ་སྐུལ་འདེད་བཏང་ནས། སྔར་ལས་མང་པོའི་
དབང་བོ་སྐྱོན་ཅན་གྱིས་བརྩོན་འགྲུས་དང་བློ་གྲོས་ལ་བརྟེན་ནས་ལས་ཞུགས་ལས་སྤེལ་གྱི་ཕུགས་འདུན་དང་མི་ཚེ་རིན་ཐང་མངོན་འགྱུར་བྱེད་པར་རོགས་རམ་བྱེད་དགོས་ཟེར།
      
རྒྱལ་སྲིད་ཨུ་ཡོན། རྒྱལ་སྲིད་སྤྱི་ཁྱབ་ཁང་དབང་བོ་སྐྱོན་ཅན་བྱ་བའི་ཨུ་ཡོན་ལྷན་ཁང་གི་ཀྲུའུ་རིན་ཝང་ཡུང་གིས་རྒྱལ་ཡོངས་དབང་བོ་སྐྱོན་ཅན་གྱི་ལས་རིགས་རྩལ་
ནུས་འགྲན་བསྡུར་སྐབས་དྲུག་པ་དང་རྒྱལ་ཡོངས་དབང་བོ་སྐྱོན་ཅན་གྱི་རྩལ་ནུས་ངོམ་པའི་དུས་ཆེན་སྐབས་གསུམ་པ་ཚོགས་འགོ་བརྩམས་པ་ཁྱབ་སྒྲོག་བྱས་པར་མ་ཟད་མཛད་
སྒོའི་འབྲེལ་ཡོད་བྱ་འགུལ་ལ་ཞུགས།



 
 
· ལིག་ཀྲིན་དབུས། 2018/5/11
· རྒྱལ་འབུམ་འཁྲུངས། 2018/5/11
· ལྷ་ཆེན་ཚེ་རིང་། 2018/5/11
· ཀརྨ་སྐྱིད། 2018/5/11
· ལུའོ་ཧུང་ལིན། 2018/5/11
· ལི་ཧྥུའུ་ཉེན། 2018/5/11
· པདྨ་རྫོང་གིས2019ལོའི་དབུལ་ཐར་འ 2019/11/11

2008-2012 པདྨ་རྫོང་མི་དམངས་སྲིད་གཞུང་། All Rights Reserved
09758322651 མགོ་ལོག པདྨ  ཆ་འཕྲིན་རབ་གསལ། :814100
པདྨ་རྫོང་མི་དམངས་སྲིད་གཞུང་།