ཚོགས་ཆེན་གཉིས་ཀྱི་ཆེད་དོན་ལེ་ཚན། པདྨ་རྫོང་མི་དམངས་སྲིད་གཞུང་།  
ཤོག་ངོས་དང་པོ། :> སྲིད་དོན་ཆ་འཕྲིན། > ཞིང་ཆེན་ནང་ཁུལ།
རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་དང་ཞིང་ལས་ཞིང་སྡེ་པུའུ་ཡིས་མཚོ་སྔོན་ཞིང་ཆེན་གྱི་དེང་རབས་ཞིང་ལས་འདེགས་སྐྱོར་མ་ལག་ཐད་ལ་ཆེད་སྤྱོད་མ་དངུལ་སྒོར་བྱེ་བ་གསུམ་དང་ས་ཡ་བདུན་འབུམ་དགུ་ཁྲི་གསུམ་བཏང་།
འབྱུང་ཁུངས།:མཚོ་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་། 2019/8/7

 

       ཉིས་སྟོང་བཅུ་དགུ་ལོར། རྒྱལ་ཁབ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་དང་ཞིང་ལས་ཞིང་སྡེ་པུའུ་ཡིས་མཚོ་སྔོན་ཞིང་ཆེན་གྱི་དེང་རབས་ཞིང་ལས་འདེགས་སྐྱོར་མ་ལག་ཐད་ལ་
ཆེད་སྤྱོད་མ་དངུལ་སྒོར་བྱེ་བ་གསུམ་དང་ས་ཡ་བདུན་འབུམ་དགུ་ཁྲི་གསུམ་བཏང་སྟེ་མཚོ་སྔོན་ཞིང་ཆེན་གྱི་འདེབས་གསོ་ལས་རིགས་དང་།
 སྲོག་ཆགས་དང་སྐྱེ་དངོས་སྲུང་སྐྱོབ་ནུས་པ་མཐོར་
འདེགས་གཏོང་བར་རྒྱབ་སྐྱོར་བྱས།
      
རྒྱུས་ལོན་བྱུང་བ་ལྟར་ན། རྒྱལ་ཁབ་ཀྱིས་རྒྱལ་ཡོངས་ཀྱི་སྲོག་ཆགས་དང་སྐྱེ་དངོས་སྲུང་སྐྱོབ་ནུས་པ་མཐོར་འདེགས་གཏོང་བའི་ཉིས་སྟོང་བཅུ་བདུན་ལོ་ནས་ཉིས་སྟོང་བཅོ་ལྔ་ལོའི་བཟོ་
སྐྲུན་འཛུགས་སྐྲུན་འཆར་འགོད་ལག་བསྟར་བྱས་རྗེས།
མཚོ་སྔོན་ཞིང་ཆེན་གྱིས་འབྲོག་ཁུལ་དུ་རྩྭ་ཐང་གི་སྐྱེ་དངོས་གནོད་སྐྱོན་སྔོན་བརྡའི་ལྟེ་གནས་ཁྱོན་ཡོངས་ལ་ཁེབས་པ་མངོན་འགྱུར་བྱས་པ་
དང་།
སྲོག་ཆགས་ཀྱི་རིམས་ནད་ལྟ་ཞིབ་ལྟེ་གནས་གསུམ་དང་གཏན་འཇགས་རང་བཞིན་གྱི་རིམས་འགོག་སྨན་ཁབ་རྒྱག་ས་བདུན་བརྒྱ་ལྷག  གཞུང་ལམ་འགྲམ་གྱི་སྲོག་ཆགས་ལྟ་སྐུལ་ཞིབ་བཤེར་
ས་ཚིགས་བཅུ་བཅས་ཀྱི་འཛུགས་སྐྲུན་ལེགས་གྲུབ་བྱུང་། 
ཕྱུགས་སྨན་སྤུས་ཚད་དང་ཕྱུགས་སྨན་ལྷག་མའི་ཞིབ་དཔྱད་ཚོད་ལྟ་ཁང་དང་།  ལོ་ཏོག་གི་ནད་འབུའི་རིམས་ནད་བྱུང་ཡུལ་གྱི་ལྟ་ཞིབ་
ཡན་ལག་ལྟེ་གནས་སོགས་ལས་གཞི་དག་འཛུགས་སྐྲུན་བྱེད་བཞིན་ཡོད། 
      
ཞིང་ཆེན་ཞིང་ལས་ཞིང་སྡེ་ཐིན་གྱི་འགན་ཁུར་མི་སྣས་མཚམས་སྦྱོར་བྱས་པ་ལྟར་ན། དེང་རབས་ཞིང་ལས་འདེགས་སྐྱོར་མ་ལག་གི་ནུས་ཡོད་འགན་སྲུང་གིས་མཚོ་སྔོན་ཞིང་ཆེན་གྱི་སྲོག་
ཆགས་དང་སྐྱེ་དངོས་སྲུང་སྐྱོབ་མ་ལག་གི་སྒྲིག་ཆས་ཆ་རྐྱེན་ལེགས་བཅོས་བྱས་པ་དང་།
ནད་འབུའི་གནོད་པ་ཚབས་ཆེན་དང་། རི་སྐྱེས་སྲོག་ཆགས་ཀྱི་རིམས་ནད་ལྟ་ཞིབ་དང་ངོས་འཛིན། འགོག་
བཅོས་ཀྱི་ནུས་པ་མངོན་གསལ་གྱིས་ཇེ་དྲག་ཏུ་སོང་སྟེ་ཞིང་ལས་ཐོན་སྐྱེད་བདེ་འཇགས་དང་ཞིང་ཐོན་དངོས་རྫས་ཀྱི་སྤུས་ཚད་བདེ་འཇགས།   
སྤྱི་བའི་འཕྲོད་བསྟེན་བདེ་འཇགས་དང་སྐྱེ་ཁམས་
བདེ་འཇགས་བཅས་ཐད་ལ་འགན་སྲུང་བྱས་པ་དང་།
ཞིང་ལས་ཞིང་སྡེའི་དཔལ་འབྱོར་གཏན་འཇགས་དང་མགྱོགས་མྱུར་སྒོས་འཕེལ་རྒྱས་འགྲོ་བར་རྨང་གཞི་བརྟན་པོ་བཏང་ཟེར།



 
 
· ལིག་ཀྲིན་དབུས། 2018/5/11
· རྒྱལ་འབུམ་འཁྲུངས། 2018/5/11
· ལྷ་ཆེན་ཚེ་རིང་། 2018/5/11
· ཀརྨ་སྐྱིད། 2018/5/11
· ལུའོ་ཧུང་ལིན། 2018/5/11
· ལི་ཧྥུའུ་ཉེན། 2018/5/11
· བདེན་འཚོལ་དུས་དེབ་སྟེང་ཞི་ཅིན་ 2019/9/16

2008-2012 པདྨ་རྫོང་མི་དམངས་སྲིད་གཞུང་། All Rights Reserved
09758322651 མགོ་ལོག པདྨ  ཆ་འཕྲིན་རབ་གསལ། :814100
པདྨ་རྫོང་མི་དམངས་སྲིད་གཞུང་།