ཚོགས་ཆེན་གཉིས་ཀྱི་ཆེད་དོན་ལེ་ཚན། པདྨ་རྫོང་མི་དམངས་སྲིད་གཞུང་།  
ཤོག་ངོས་དང་པོ། :--> ཏང་སྲིད་ཡིག་ཆ།
༄༅།།ཀྲུང་གུང་ཀྲུང་དབྱང་གིས་ཀྲུང་གོ་གུང་ཁྲན་ཏང་གི་འགན་འདྲིའི་སྲོལ་ཡིག་པར་བསྐྲུན་འགྲེམ་སྤེལ་བྱས་པ།
འབྱུང་ཁུངས།: 2016/8/23

  ༄༅།།ཀྲུང་གུང་ཀྲུང་དབྱང་གིས<<ཀྲུང་གོ་གུང་ཁྲན་ཏང་གི་འགན་འདྲིའི་སྲོལ་ཡིག>>པར་བསྐྲུན་འགྲེམ་སྤེལ་བྱས་པ།

    ཉེ་ཆར།  ཀྲུང་གུང་ཀྲུང་དབྱང་གིས<<ཀྲུང་གོ་གུང་ཁྲན་ཏང་གི་འགན་འདྲིའི་སྲོལ་ ཡིག>>པར་བསྐྲུན་འགྲེམ་སྤེལ་བྱས་པ་མ་ཟད།  བརྡ་སྦྱོར་བཏང་ནས་ས་ཁུལ་སོ་སོ་དང་སྡེ་ཁག་སོ་སོས་དེ་ལྟར་ལག་བསྟར་ནན་ཏན་བྱེད་དགོས་པའི་བླང་བྱ་བཏོན།

 <<ཀྲུང་གོ་གུང་ཁྲན་ཏང་གི་འགན་འདྲིའི་སྲོལ་ཡིག>>གི་ནང་དོན་ཆ་ཚང་གཤམ་གསལ་ལྟར།

    དོན་ཚན་དང་པོ།  ཁྱོན་ཡོངས་ནས་ཏང་གཟབ་ནན་གྱིས་སྐྱོང་བ་དང་།  ཏང་གི་འགན་འདྲིའི་བྱ་བ་ཚད་ལྡན་དང་ཇེ་དྲག་ཏུ་གཏོང་བའི་ཆེད་དུ<<ཀྲུང་གོ་གུང་ཁྲན་ཏང་གི་སྒྲིགས་ཡིག>>ལྟར་སྲོལ་ཡིག་འདི་གཏན་འབེབས་བྱས།

    དོན་ཚན་གཉིས་པ།  ཏང་གི་འགན་འདྲི་བྱ་བས་མར་ཁེ་སི་ལེ་ཉིན་རིང་ལུགས་དང་མའོ་ཙེ་ཏུང་གི་དགོངས་པ།  ཏིན་ཞའོ་ཕིང་གི་རིགས་པའི་གཞུང་ལུགས།  མཚོན་བྱེད་གསུམ་གྱི་དགོངས་པ་གལ་ཆེན།  ཚན་རིག་དང་མཐུན་པའི་འཕེལ་རྒྱས་ལྟ་བ་བཅས་ཀྱིས་མཛུབ་སྟོན་བྱས་ཏེ།  སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱི་གསུང་བཤད་གལ་ཆེན་རབས་དང་རིམ་པའི་དགོངས་དོན་ལག་ལེན་མཐར་ཕྱིན་བྱེད་པ་དང་།  ཁྱོན་ཡོངས་བཞི་ཡི་འཐབ་ཇུས་ཆགས་སྟངས་ལ་མཐུན་སྦྱོར་ངང་སྐུལ་འདེད་གཏོང་བར་དམིགས་ནས།  ཏང་གི་མགོ་ཁྲིད་རྒྱུན་འཁྱོངས་དང་ཏང་གི་འཛུགས་སྐྲུན་ལ་ཤུགས་སྣོན།  ཁྱོན་ཡོངས་ནས་ཏང་གཟབ་ནན་གྱིས་སྐྱོང་བ་བཅས་བྱས་ནས།  དབང་ཆ་ཡོད་ན་ཁག་འགན་ཡོད་དགོས་པ་དང་།  འགན་འཁྲི་ཡོད་ན་ཁག་འགན་འཁུར་དགོས་པ།  ལས་འཛོལ་བྱུང་ན་རྩད་གཅོད་ནན་མོ་བྱེད་དགོས་པར་མ་ཟད།  ཏང་གི་རྩ་འཛུགས་ཀྱིས་ཏང་ལ་དོ་དམ་དང་ཏང་བཅོས་སྐྱོང་བྱེད་པའི་ཆབ་སྲིད་ཀྱི་འགན་འཁྲི་དངོས་འབེབས་བྱེད་པ་དང་།  ཏང་གི་མགོ་ཁྲིད་ལས་བྱེད་པས་བྱ་བར་བློ་དཀར་ཞིང་སྤྱོད་པ་གཙང་བས་འགན་འཁྲི་ཁུར་ཕོད་པར་སྐུལ་མ་གཏོང་དགོས།

    དོན་ཚན་གསུམ་པ།  ཏང་གི་འགན་འཁྲི་བྱ་བའི་ཐད་རྩ་དོན་རྒྱུན་འཁྱོངས་བྱེད་དགོས་པ་སྟེ།  སྒྲིག་སྲོལ་དང་སྒྲིག་ཁྲིམས་ལྟར་དང་དངོས་ཐོག་བདེན་འཚོལ་བྱས་ཏེ།  ལས་འཛོལ་བྱུང་ན་རྩད་གཅོད་བྱེད་དགོས་པ་དང་།  འགན་འཁྲི་རྩད་གཅོད་ནན་མོ་བྱེད་དགོས།  སྔ་བསླབ་ཕྱི་འདོམས་དང་ནད་བཅོས་སྲོག་སྐྱོབ་བྱས་ཏེ།  རིམ་པ་རེ་རེ་བཞིན་ལས་འགན་འཁུར་བ་དང་འགན་འཁྲི་དངོས་འབེབས་བྱེད་དགོས།

    དོན་ཚན་བཞི་བ།  ཏང་གི་འགན་འདྲི་བྱ་བ་ནི་ཏང་རྩ་འཛུགས་ཀྱི་འགན་འཁྲིའི་དབང་མཚམས་ལྟར་ཏང་གི་འཛུགས་སྐྲུན་དང་ཏང་གི་ལས་དོན་ནང་ལས་འཛོལ་འགལ་འཛོལ་བྱུང་བའི་ཏང་རྩ་འཛུགས་དང་ཏང་གི་མགོ་ཁྲིད་ལས་བྱེད་པའི་གཙོ་གཞིའི་འགན་འཁྲི་དང་ལྟ་སྐུལ་འགན་འཁྲི།  མགོ་ཁྲིད་པའི་འགན་འཁྲི་བཅས་རྩད་གཅོད་བྱེད་རྒྱུ་དེ་རེད།

འགན་འདྲི་བྱ་ཡལ་ནི་རིམ་སོ་སོའི་ཏང་ཨུའམ(ཏང་ཙུའུ)ཏང་གི་བྱ་བའི་སྡེ་ཁག་དང་དེའི་མགོ་ཁྲིད་ཁོངས་མི།  རིམ་པ་སོ་སོའི་སྒྲིག་ཨུ(སྒྲིག་བཤེར་ཚན་ཆུང)དང་དེའི་མགོ་ཁྲིད་ཁོངས་མི་བཅས་ཡིན་ལ།  གཙོ་བོ་ནི་འགན་འཁྲི་པ་གཙོ་བོ་ཡིན།

    དོན་ཚན་ལྔ་བ།  འགན་འདྲི་བྱེད་སྐབས་ངེས་པར་འགན་འཁྲི་གསལ་པོ་བྱེད་དགོས།  ཏང་རྩ་འཛུགས་ཀྱི་མགོ་ཁྲིད་ཚན་ཁག་གིས་འགན་འཁྲིའི་ཁྱབ་ཁུངས་ནང་དུ་ཁྱོན་ཡོངས་ནས་མགོ་ཁྲིད་ཀྱི་འགན་འཁྲི་ཁུར་དགོས།  མགོ་ཁྲིད་ཚན་ཁག་གི་འགན་འཁྲི་པ་གཙོ་བོ་དང་ཐད་ཀའི་གཙོ་གཉེར་ཚན་ཁག་གི་ཁོངས་མིས་འགན་འཁྲི་པ་གཙོ་བོའི་འགན་འཁྲི་ཁུར་དགོས།  ཇུས་ཆོད་དང་བྱ་བར་ཞུགས་པའི་ཚན་ཁག་གི་ཁོངས་མི་གཞན་དག་གིས་མགོ་ཁྲིད་གཙོ་བོའི་འགན་ཁུར་དགོས།

    དོན་ཚན་དྲུག་པ།  ཏང་རྩ་འཛུགས་དང་ཏང་གི་མགོ་ཁྲིད་ལས་བྱེད་པ་ཏང་གི་སྒྲིག་ཡིག་དང་ཏང་ནང་གི་ཁྲིམས་སྲོལ་གཞན་པ་དང་འགལ་ཏེ།  འགན་འཁྲི་མི་འཁུར་བའམ་ཡང་ན་འགན་འཁྲི་ཡང་དག་གིས་མ་ཁུར་པར།  གཤམ་གྱི་གནས་ཚུལ་ནང་གི་གཅིག་ལྡན་ན།  འགན་འཁྲི་རྩད་གཅོད་བྱ་དགོས་པ་སྟེ། 

    (གཅིག) ཏང་གི་མགོ་ཁྲིད་བྱེད་ཤུགས་ཇེ་ཞན་དུ་སོང་བ་དང་།  ཏང་གི་རིགས་པའི་གཞུང་ལུགས་དང་ལས་ཕྱོགས་བྱེད་ཕྱོགས་སྲིད་ཇུས།  ཏང་ཀྲུང་དབྱང་གི་ཇུས་ཆོད་དང་བཀོད་སྒྲིག་ནུས་ལྡན་ལག་ལེན་དང་དངོས་འབེབས་མ་བྱེད་པར།  དཔལ་འབྱོར་འཛུགས་སྐྲུན་དང་རིག་གནས་འཛུགས་སྐྲུན།  སྤྱི་ཚོགས་འཛུགས་སྐྲུན།  སྐྱེ་ཁམས་དཔལ་ཡོན་འཛུགས་སྐྲུན་བཅས་ལ་སྐུལ་འདེད་གཏོང་བའི་ཁྲོད་དང་ཡང་ན་རང་ས་གནས་དང་རང་སྡེ་ཁག  རང་སྡེ་ཚན་བཅས་སུ་བྱུང་བའི་གནད་དོན་ཆེན་པོའི་ཁྲོད་མགོ་ཁྲིད་ཀྱི་ནུས་པ་བཏོན་པ་མི་ལེགས་པ་དང་།  ནོར་འཛོལ་ཆེན་པོ་བྱུང་སྟེ།  ཏང་གི་ལས་དོན་དང་མི་དམངས་ཀྱི་ཁེ་ཕན་ལ་གྱོང་གུད་ཆེན་པོ་བཟོས་པ་དང་ཤུགས་རྐྱེན་ངན་པ་ཐེབས་པ།

    (གཉིས) ཏང་གི་འཛུགས་སྐྲུན་ཐད་ཤུགས་མི་འདོན་པ་དང་།  ཏང་ནང་གི་ཆབ་སྲིད་འཚོ་བ་རྒྱུན་ལྡན་མིན་པ།  རྩ་འཛུགས་འཚོ་བ་འཐུས་ཚང་མིན་པ།  ཏང་རྩ་འཛུགས་ནུས་མེད་ཟབ་ཟོབ་ཡིན་པ།  ཏང་གཤིས་སློབ་གསོ་དང་ནང་སྒོས་སུ་ཕུགས་འདུན་འདུ་ཤེས་ཀྱི་དམིགས་ཡུལ་སློབ་གསོ་གཉོམ་ཞན་ཡིན་པ།  ཀྲུང་དབྱང་གི་གཏན་འཁེལ་བརྒྱད་ཀྱི་དགོངས་དོན་དངོས་འབེབས་མི་བྱེད་པ།  སྤྱོད་ཚུལ་འཛུགས་སྐྲུན་ཕྱི་ཚུལ་ཙམ་ཡིན་པ།  ལས་བྱེད་པ་འདེམ་པ་དང་བསྐོ་བཞག་བྱེད་པའི་བྱ་བའི་ཁྲོད་དུ་གནད་དོན་མང་པོ་བྱུང་བ།  ཏང་ནང་དང་མང་ཚོགས་ཁྲོད་བསམ་འཆར་ཆེ་བ།  ཏང་གི་སྣང་བརྙན་ལ་གནོད་འཚེ་གཏོང་བ།  ཏང་གིས་སྲིད་སྐྱོང་བའི་ཆབ་སྲིད་ཀྱི་རྨང་གཞིར་གནོད་འཚེ་བཏང་བ།

    (གསུམ) ཁྱོན་ཡོངས་ནས་ཏང་གཟབ་ནན་གྱིས་སྐྱོང་བ་མི་འདང་བ།  འགན་འཁྲི་གཙོ་བོ་དང་ལྟ་སྐུལ་འགན་འཁྲི་དངོས་འབེབས་བྱེད་པ་གནད་སར་མི་འབྱོར་བ།  ཏང་ལ་དོ་དམ་དང་ཏང་བཅོས་སྐྱོང་བྱེད་པ་ལྷོད་གཡེང་ཞན་གསུམ་དུ་གྱུར་པ།  མི་བཟང་རིང་ལུགས་དར་ཏེ་ཚང་མར་ངག་འཇམ་ཞི་དུལ་གྱིས་འགན་འཁྲི་མི་འཁུར་བ་དང་ཁག་མི་འཁུར་བ།  ཏང་ནང་གི་ལྟ་སྐུལ་དོ་དམ་ཞན་པ།  རྙེད་འོས་པའི་གནད་དོན་རྙེད་མེད་པ།  གནད་དོན་རྙེད་རྗེས་ཡར་ཞུ་དང་ཐག་གཅོད་མི་བྱེད་པ་དང་ལེགས་སྒྲིག་དང་འགན་འདྲི་མི་བྱེད་པར།  མཇུག་འབྲས་ངན་པ་བཟོས་པ།

    (བཞི) ཏང་གི་ཆབ་སྲིད་སྒྲིག་ཁྲིམས་དང་རྩ་འཛུགས་སྒྲིག་ཁྲིམས།  སྤྱོད་གཙང་སྒྲིག་ཁྲིམས།  མང་ཚོགས་སྒྲིག་ཁྲིམས།  བྱ་བའི་སྒྲིག་ཁྲིམས།  འཚོ་བའི་སྒྲིག་ཁྲིམས་བཅས་ལ་སྲུང་སྐྱོབ་བྱས་པ་མི་འདང་བས།  ཁྲིམས་འགལ་སྒྲིག་འགལ་གྱི་བྱ་སྤྱོད་མང་དུ་བྱུང་བ་དང་།  ནང་སྒོས་སུ་ཆབ་སྲིད་སྒྲིག་ཁྲིམས་དང་ཆབ་སྲིད་ལུགས་སྲོལ་སྲུང་སྐྱོང་བྱེད་པའི་ཐད་ནས་ནོར་འཛོལ་བྱུང་སྟེ།  ཁོངས་གཏོགས་མངའ་ཁོངས་སུ་བཀའ་ཡོད་བཞིན་དུ་མི་སྒྲུབ་པ་དང་།  གཏན་འགོག་བྱེད་བཞིན་དུ་མི་ཁོག་པ།  ངན་པ་ཕྱོགས་སྒྲིག་བྱེད་པའི་གནད་དོན་ཚབས་ཆེན་ཡིན་པ་བཅས་ཀྱིས་ཤུགས་རྐྱེན་ངན་པ་བཟོས་པ། 

   (ལྔ) ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་ལ་རྒོལ་བའི་བྱ་བ་མཐའ་གཅིག་ཏུ་མི་སྒྲུབ་པ་དང་ནན་ཏན་མིན་པ།  ཁོངས་གཏོགས་མངའ་ཁོངས་ནང་གི་རུལ་སུངས་གང་སར་ཁྱབ་པའི་གནས་བབ་བཀག་འགོག་ནུས་ལྡན་མི་བྱེད་པ།  མང་ཚོགས་ཀྱི་ཁེ་ཕན་ལ་གནོད་པའི་སྲོལ་ངན་ལུགས་ངན་དང་རུལ་སུངས་གནད་དོན་འབུར་ཐོན་ཡིན་པ། 

   (དྲུག)  འགན་འཁྲི་རྩད་གཅོད་བྱེད་དགོས་པའི་ལས་འཛོལ་འགན་འཛོལ་གྱི་གནས་ཚུལ་གཞན་དག

    དོན་ཚན་བདུན་པ།  ཏང་རྩ་འཛུགས་ཀྱི་འགན་འདྲི་ཐབས་ལ་འདི་དག་ཡོད་པ་སྟེ། 

   (གཅིག) ཞིབ་བཤེར་བྱེད་པ།  འགན་འཁྲི་ལག་བསྟར་བྱས་པ་མི་འདང་ཞིང་།  གནས་ཚུལ་ཅུང་ཡང་མོ་ཡིན་ན།  བཀའ་ཕབ་སྟེ་དེ་ལ་ཡིག་ངོས་ཀྱི་སྐྱོན་ཞིབ་འབྲི་རུ་འཇུག་པར་མ་ཟད་དངོས་གནས་ལེགས་སྒྲིག་བྱེད་དུ་འཇུག་དགོས།

   (གཉིས) བརྡ་ཁྱབ་གཏོང་བ།  འགན་འཁྲི་ལག་བསྟར་བྱས་པ་མི་འདང་ཞིང་།  གནས་ཚུལ་ཅུང་ཚབས་ཆེན་ཡིན་ན།  ལེགས་སྒྲིག་བྱེད་དགོས་པའི་བཀའ་འབེབས་པར་མ་ཟད།  ཁྱབ་ཁུངས་ངེས་ཅན་ཞིག་གི་ནང་དུབརྡ་ཁྱབ་སྤེལ་དགོས།

   (གསུམ) བཅོས་སྒྲིག་བྱེད་པ།  ལས་འཛོལ་འགན་འཛོལ་བྱུང་སྟེ།  ཏང་གི་སྒྲིག་ཁྲིམས་ལ་འགལ་བ་ཚབས་ཆེན་ཡིན་པ་དང་།  རང་སྟེང་ནས་ཡོ་བསྲིང་བྱེད་མི་ཐུབ་ན་བཅོས་སྒྲིག་བྱེད་དུ་འཇུག་དགོས།

ཏང་གི་མགོ་ཁྲིད་ལས་བྱེད་པའི་འགན་འདྲི་ཐབས་ལ་འདི་དག་ཡོད་པ་སྟེ།

   (གཅིག) བརྡ་ཁྱབ་སྤེལ་བ།  འགན་འཁྲི་ལག་བསྟར་བྱས་པ་མི་འདང་ན།  སྐྱོན་བརྗོད་ནན་མོ་བྱེད་དགོས་པ་དང་།  སྒྲིག་ཁྲིམས་ལྟར་ལེགས་སྒྲིག་བྱེད་པར་མ་ཟད།  ཁྱབ་ཁོངས་ངེས་ཅན་ཞིག་གི་ནང་དུ་བརྡ་ཁྱབ་སྤེལ་དགོས།

   (གཉིས) གསལ་འདེབས་ཁ་ཏ།  ལས་འཛོལ་འགན་འཛོལ་བྱུང་ཞིང་།  གནས་ཚུལ་ཅུང་ཡང་མོ་ཡིན་ན།  ཁ་བརྡ་བྱེད་པའམ་ཡང་ན་ཡིག་ཐོག་ནས་གསལ་འདེབས་ཁ་ཏ་བྱེད་དགོས།

   (གསུམ) རྩ་འཛུགས་ཀྱིས་ལེགས་སྒྲིག་དང་ཡང་ན་རྩ་འཛུགས་ཀྱིས་ཐག་གཅོད་བྱེད་དགོས།  ལས་འཛོལ་འགན་འཛོལ་བྱུང་སྟེ།  གནས་ཚུལ་ཅུང་ཚབས་ཆེན་ཡིན་པ་དང་།  ད་ལྟའི་གོ་གནས་ཁུར་མི་འོས་ན།  གནས་ཚུལ་ལྟར་གོ་གནས་འཁུར་མཚམས་བཞག་ནས་ཞིབ་བཤེར་དང་ལས་གནས་ལེགས་སྒྲིག་བྱེད་པ།  ལས་གནས་ནས་ཕུད་པ་དང་གོ་གནས་མར་འབེབས་པ།  གོ་གནས་མེད་པར་བཟོ་དགོས་པ་བཅས་ཀྱི་བཀའ་འབེབས་པའི་བྱེད་ཐབས་སྤྱོད་དགོས།

   (བཞི) སྒྲིག་ཁྲིམས་ལྟར་ཆད་པ་གཅོད་པ།  ལས་འཛོལ་འགན་འཛོལ་བྱུང་བར་སྒྲིག་ཁྲིམས་ལྟར་ཆད་པ་གཅོད་དགོས།  <<ཀྲུང་གོ་གུང་ཁྲན་ཏང་གི་སྒྲིག་ཁྲིམས་ཆད་གཅོད་སྲོལ་ཡིག>>ལྟར་སྒྲིག་ཁྲིམས་འགན་འདྲི་བྱེད་དགོས།

    གོང་གི་འགན་འདྲི་ཐབས་འདི་དག་ནི་ཁེར་རྐྱང་གིས་བཀོལ་སྤྱོད་བྱེད་ཆོག་ལ།  མཉམ་དུ་བཀོལ་སྤྱོད་བྱེད་ནའང་ཆོག

    དོན་ཚན་བརྒྱད་པ།  འགན་འདྲིའི་ཆོད་དོན་ནི་ངེས་པར་ཏང་ཀྲུང་དབྱང་དང་ཡང་ན་དོ་དམ་དབང་མཚམས་ཡོད་པའི་ཏང་རྩ་འཛུགས་ཀྱིས་བྱེད་དགོས་པ་དང་།  དེའི་ནང་གི་ཏང་གི་མགོ་ཁྲིད་ལས་བྱེད་པ་དང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང(སྒྲིག་བཤེར་ཚན་ཆུང)།  ཏང་གི་བྱ་བའི་སྡེ་ཁག་བཅས་ལ་བརྡ་ཁྱབ་སྤེལ་བ་དང་གསལ་འདེབས་ཁ་ཏ་བྱེད་རྒྱུའི་དབང་ཆ་ཡོད།  རྩ་འཛུགས་ཀྱིས་ལེགས་སྒྲིག་དང་ཐག་གཅོད་བྱེད་པའི་གྲོས་གཞི་བཏོན་ཆོག  སྒྲིག་ཁྲིམས་ལྟར་ཆད་པ་གཅོད་པའི་རྣམ་པ་སྤྱད་དེ་འགན་འདྲི་བྱེད་པ་དང་།  ཏང་གི་སྒྲིག་ཡིག་དང་ཏང་ནང་གི་འབྲེལ་ཡོད་བཅའ་ཁྲིམས་ཁྲིམས་སྲོལ་གྱི་དབང་མཚམས་དང་གོ་རིམ་ལྟར་ལག་བསྟར་བྱེད་དགོས།

    དོན་ཚན་དགུ་པ།  འགན་འདྲི་བྱ་རྒྱུའི་ཐག་བཅད་རྗེས།  ངེས་པར་དུས་ལྟར་འགན་འདྲི་བྱ་ཡུལ་གྱི་ཏང་རྩ་འཛུགས་དང་ཏང་གི་མགོ་ཁྲིད་ལས་བྱེད་པ།  དེ་མིན་ད་དུང་དེ་ཉིད་གནས་སའི་ཏང་རྩ་འཛུགས་ལ་བསྒྲགས་དགོས་པར་མ་ཟད་ལག་བསྟར་བྱེད་པར་ལྟ་སྐུལ་བྱེད་དགོས།  འགན་འདྲི་བྱེད་པའི་འབྲེལ་ཡོད་གནས་ཚུལ་རྣམས་རྩ་འཛུགས་སྡེ་ཁག་ལ་བརྡ་ཁྱབ་སྤེལ་དགོས་པར་མ་ཟད།  རྩ་འཛུགས་སྡེ་ཁག་གིས་འགན་འདྲི་བྱེད་རྒྱུའི་ཐད་བཅད་པའི་དཔྱད་གཞིའི་ཡིག་རིགས་རྣམས་འགན་འདྲི་བྱེད་པའི་མགོ་ཁྲིད་ལས་བྱེད་པའི་མི་སྒེར་ཡིག་ཚགས་ནང་འཇོག་དགོས་ཤིང་།  གོང་རིམ་རྩ་འཛུགས་སྡེ་ཁག་ལ་ཡར་ཞུ་བྱས་ཏེ་ཐོ་འགོད་སྙན་སེང་ཞུ་དགོས།  རྩ་འཛུགས་ཀྱིས་ལེགས་སྒྲིག་དང་ཐག་གཅོད་བྱེད་པ་དང་འབྲེལ་ན།  ཟླ་གཅིག་གི་ནང་དུ་དེ་བསྟུན་གྱི་འགྲོ་རིམ་སྒྲུབ་ཚར་དགོས།

    འགན་འདྲི་བྱས་པའི་ཏང་གི་མགོ་ཁྲིད་ལས་བྱེད་པས་འགན་འདྲི་བྱེད་རྒྱུའི་ཐག་བཅད་པའི་ལས་ཁུངས་ལ་ཡིག་ངོས་ཀྱི་སྐྱོན་ཞིབ་འབྲི་དགོས་པར་མ་ཟད།  དམངས་གཙོ་འཚོ་བའི་ཚོགས་འདུའི་སྟེང་དང་ཡང་ན་ཏང་གི་གྲོས་ཚོགས་གཞན་པའི་སྟེང་སྐྱོན་ངོས་ལེན་ཟབ་མོ་བྱེད་དགོས།  འགན་འདྲིའི་དཔེ་མཚོན་གནད་དོན་བརྡ་ཁྱབ་ཏུ་སྤེལ་བའི་ལམ་ལུགས་འཛུགས་པ་དང་འཐུས་ཚང་དུ་གཏོང་དགོས།  རྩ་འཛུགས་ཀྱིས་ལེགས་སྒྲིག་དང་ཐག་གཅོད།  སྒྲིག་ཁྲིམས་ལྟར་ཆད་པ་གཅོད་པ་བཅས་ཀྱི་རྣམ་པས་འགན་འདྲི་བྱས་ན།  སྤྱིར་བཏང་དུ་སྤྱི་ཚོགས་སྟེང་བསྒྲགས་དགོས། 

    དོན་ཚན་བཅུ་བ།  ཚེ་གང་བོར་འགན་འདྲི་ལག་བསྟར་བྱས་ཏེ།  ལས་འཛོལ་འགན་འཛོལ་བྱུང་བའི་ངོ་བོ་ཚབས་ཆེན་ཡིན་པ་དང་།  མཇུག་འབྲས་ཚབས་ཆེན་བཟོས་ན།  དེའི་འགན་འཁྲི་པ་ལས་གནས་སྤོ་སྒྱུར་དང་གོ་གནས་འཕར་བ།  ཡང་ན་ལས་འཁྱུར་ངལ་གསོ་བྱས་པ་གང་ཡིན་རུང་།  འགན་འདྲི་ནན་མོ་བྱེད་དགོས།

    དོན་ཚན་བཅུ་གཅིག་པ།  ཞིང་ཆེན་དང་རང་སྐྱོང་ལྗོངས།  ཐད་གཏོགས་གྲོང་ཁྱེར་བཅས་ཀྱི་ཏང་ཨུ་དང་།  ཀྲུང་དབྱང་གི་པུའུ་ཨུ་སོ་སོ།  ཀྲུང་དབྱང་རྒྱལ་ཁབ་ལས་ཁུངས་ཀྱི་པུའུ་ཨུ་སོ་སོའི་ཏང་ཙུའུ(ཏང་ཨུ)བཅས་ཀྱིས་སྲོལ་ཡིག་འདིའི་གཏན་འཁེལ་ལྟར་ལག་བསྟར་བྱེད་པའི་བྱེད་ཐབས་གཏན་འབེབས་བྱེད་ཆོག

ཀྲུང་དབྱང་དམག་དོན་ཨུ་ཡོན་ལྷན་ཁང་གིས་སྲོལ་ཡིག་འདི་གཞིར་བཟུང་ནས་འབྲེལ་ཡོད་གཏན་འཁེལ་གཏན་འབེབས་བྱེད་ཆོག

    དོན་ཚན་བཅུ་གཉིས་པ།  སྲོལ་ཡིག་འདི་ལ་ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གིས་འགྲེལ་བཤད་བྱེད་པའི་འགན་འཁུར་དགོས།

    དོན་ཚན་བཅུ་གསུམ་པ།  སྲོལ་ཡིག་འདི༢༠༡༦ལོའི་ཟླ་བདུན་པའི་ཚེས༨ཉིན་ནས་བཟུང་ལག་བསྟར་བྱེད་རྒྱུ།  སྔོན་ཆད་སྤེལ་བའི་འབྲེལ་ཡོད་འགན་འདྲིའི་ནང་གི་གཏན་འཁེལ་སྲོལ་ཡིག་འདི་དང་གཅིག་མཐུན་མིན་ན།  སྲོལ་ཡིག་འདི་ལྟར་ལག་བསྟར་བྱེད་དགོས།

 
· ༄༅།། པདྨ་རྫོང་ནང་བསྟན་མཐུན་ཚོག 2018/9/3
· ༄༅།། པདྨ་རྫོང་གི་བོད་ཇ་དང་རྫ་ན 2018/6/3
· ༄༅༎ སྨར་ཁོག་ཞང་རྩེས་སྟོད་སྡེ་ 2018/11/16
· ༄༅༎ སྨར་ཁོག་ཞང་རྩེས་སྟོད་སྡེ་ 2018/11/16
· ༄༅།། ལིས་ཁི་ཆང་གིས་སིང་ག་ཕོར་ག 2018/11/14
· ༄༅།། ཞིང་ཆེན་སྲིད་གཞུང་ཏང་ཙུའུ 2018/11/14
· ༄༅།། ཧྥ་རན་སི་ཡིས་འཛམ་གླིང་འཁྲ 2018/11/14

2008-2012 པདྨ་རྫོང་མི་དམངས་སྲིད་གཞུང་། All Rights Reserved
09758322651 མགོ་ལོག པདྨ  ཆ་འཕྲིན་རབ་གསལ། :814100
པདྨ་རྫོང་མི་དམངས་སྲིད་གཞུང་།